Компания жаңалықтары

«Инжиниринговая компания WEST OIL» АҚШ-тың Brodie International компаниясымен — мұнай-газ саласындағы сұйықтықтар ағынын өлшеу және бақылау үшін жабдықтарды шығаратын әлемдегі жетекші өндірушімен серіктестік туралы келісім жасасты.

Штаб-пәтері АҚШ-та (Джорджия) орналасқан Brodie International компаниясы 100 жылдан астам уақыт бойы турбиналық шығын өлшегіштерді, ықшам пруверлерді және олардың құрамдас бөліктерін әзірлеуге және шығаруға маманданған. Компания 70-тен астам елге шешімдер жеткізіп, әлемнің жетекші мұнай компанияларына қызмет көрсетеді.

2025 жылғы 1 шілдедегі ресми хатқа сәйкес, «Инжиниринговая компания WEST OIL» Brodie International компаниясының Әзірбайжан, Грузия, Түрікменстан және Өзбекстандағы ресми өкілі болып тағайындалды.

Бұл келісім нені білдіреді:

«Инжиниринговая компания WEST OIL» Brodie International өнімдерін аймақтың төрт негізгі елінде ұсынуға құқығын алады;

Серіктестік техникалық қолдауды, нарық талаптарына сәйкес шешімдерді оқшаулауды, сондай-ақ жабдықты таңдаудан бастап пайдалануға енгізуге дейінгі барлық кезеңдерде жобаларды сүйемелдеуді көздейді.

Бұл стратегиялық келісім «Инжиниринговая компания WEST OIL» аймақтағы ұстанымын нығайтып, өнеркәсіптік және энергетикалық компаниялардың әлемдік деңгейдегі озық өлшеу технологияларына қолжетімділігін кеңейтеді.

Сәуірдің 22-і мен 25-і аралығында елордамыз-Астанада машина жасау саласындағы жетістіктерді көрсетудің негізгі алаңдарының біріне айналған «KAZAKHSTAN MACHINERY FAIR-2025» халықаралық көрмесі өтті. Батыс Қазақстан облысы әкімдігінің қолдауымен «WEST OIL» инжинирингтік компаниясы еліміздің жетекші кәсіпорындарымен бірге әлемдік деңгейді қамтыған іс-шараға қатысты.

Көрме өндіріс ошақтарының өз өнімдерін көрсетуге, тәжірибе алмасуға және еліміздің бетке ұстар көшбасшыларымен қатар шетелдің алдыңғы қатарлы компаниялармен жаңа серіктестік орнатуға мүмкіндік береді. Қазақстанның машина жасау кешенін дамытуға бағытталған тиімді және инновациялық жобаларға айрықша назар аударылды.

Форумның мақсаты – Отандық машина жасау саласын одан әрі дамыту бойынша ұсыныстар мен практикалық нұсқаулықтар қалыптастыру. Қатысушылар саладағы өзекті мәселелерді, бәсекеге қабілеттілікті, сектордың инвестициялық тартымдылығы, инженерлік және машина жасау кәсіптерінің беделін арттыру тетіктерін талқылады.

Халықаралық көрмеде сан жылдық тарихы бар ірі кәсіпорындармен иық тіресе өз өнімдерін ұсынған батыс қазақстандық «WEST OIL» инженерлік компаниясы индустриалдық жаңғыруға бағытталған ауқымды жұмыстарының нәтижесімен талайды таңдай қақтырды. Кәсіпорын елдің машина жасау саласында серіктестікте жұмыс жасауға және озық кешенді қызмет үлгісін көрсетуге тас түйін дайын!