Жобалау — техникалық тұрғыдан күрделі нысандарды жасаудың ең жауапты кезеңі. Жобалық шешімдердің сапасына тек пайдалану тиімділігі мен қауіпсіздігі ғана емес, сонымен қатар бүкіл нысанның рентабельділігі де байланысты. Дәл осы кезеңде болашақ жүйенің техникалық, экономикалық және пайдалану сипаттамалары қалыптасады.
WEST OIL компаниясының жобалау бөлімі — бұл болашақ нысанның сенімділігі мен тиімділігін айқындайтын техникалық шешімдер әзірленетін инженерлік жобалардың негізгі буыны.
Алынған техникалық тапсырма негізінде біздің мамандар ҚР қолданыстағы нормативтеріне және тапсырыс берушінің талаптарына сәйкес келетін жобалық құжаттаманың толық кешенін әзірлейді.
Біз өз жұмысымызда келесілерге сүйенеміз:
- Тәжірибелі жобалаушы және конструктор-инженерлердің көпжылдық практикалық тәжірибесіне;
- Жобалаудың заманауи автоматтандырылған құралдарын (CAD-жүйелерін) қолдануға;
- Клиенттеріміз жұмыс істейтін салалардың ерекшеліктерін терең түсінуге.
Біздің жұмыс қағидаттарымыз
Жеке көзқарас
Әрбір жобалық шешім нақты пайдалану жағдайлары мен Тапсырыс берушінің талаптарына бейімделіп әзірленеді
Жеделдік
Кез келген күрделіліктегі жобаларды қысқа мерзімде, сапасына зиян келтірмей жүзеге асырамыз.
Дәлдік және нормаларға сәйкестік
Барлық есептеулер, сызбалар мен спецификациялар Қазақстан Республикасының нормативтік-техникалық құжаттамасына қатаң сәйкестікпен әзірленеді.
Біз келесі бағыттар бойынша жобалау жұмыстарының толық спектрін жүзеге асырамыз:
МКСӨЖ (Мұнай көлемі мен сапасын өлшеу жүйелері) жобалау және есептеу,
ГШӨЖ (Газ шығыны мен оның компоненттік құрамын өлшеу жүйелері) жобалау және есептеу,
Мұнай сапасын өлшеу блоктары,
Газдың компоненттік құрамын өлшеу блоктары,
Сынамаларды іріктеу, сүзгілеу және өнімді өлшеуге дайындау жүйелері,
Автоматтандырылған басқару жүйелері (АБЖ),
Автоматтандырылған топтық өлшеу қондырғылары (АТӨҚ),
АГТС (Кез келген өнімділіктегі автоматтандырылған газ тарату станциялары) жобалау,
ЖЭО, ЖЭС және ГҚРО үшін есепке алу және реттеу жүйелері (Оның ішінде есепке алу, қысымды төмендету және автоматты басқару тораптары),
Сумен жабдықтау, жылыту және желдету жүйелері (Өнеркәсіптік және өндірістік нысандарға арналған толық инженерлік шешімдер кешені).
Біздің жұмысымыздың нәтижесі — бұл техникалық тұрғыдан негізделген, экономикалық жағынан тиімді және іске асыруға болатын жобалық шешімдер, олар сіздің нысандарыңыздың сенімді әрі тиімді жұмысын қамтамасыз етеді.
